Молитва за Россию, по соглашению.

по благословению  о. Николая Гурьянова

Господи Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего Иже на небесех: где же два или трое собрались во имя Мое, ту есмь Аз посреде их».  Непреложны словеса Твоя, Господи, милосердие Твое бесприкладно и  человеколюбию Твоему несть конца, Сего ради молим Тя: даруй нам, рабам Твоим, всем православным христианам, согласившимся просить Тя о скорби нашей, за страждущую страну Российскую и чад Церкви Православная.
Боже великий и дивный, каяйся о злобах человеческий, возводяй ниспадающия, не отрини наши  молитвы и воздыхания сердечныя в сие время тяжкое против смертоносного и богомерзкого духа антихристова, силящегося запечатлеть народ наш на служение себе, и отвергнуть нас от благодати Тебе Бога Живаго и Истиннаго. Да не будет сего, Боже наш! Помяни Господи милости, яже показал еси отцем нашим, разрушь коварство диавола восстающего на ны. Силою Креста Твоего даруй всем нам духа премудрости и страха Божия, духа крепости и благочестия, да не погибнем обольщенные лукавством сатанинским. Воздвигни нам мужей силы и разума, да не возмогут противиться все противляющиеся нам. Восстави нам Боже престол православных царей, да поставлен будет Удерживающий всякое зло и неправду умножившуюся в стране нашей.
Господи Боже Спасителю наш, сердцем сокрушенным к Тебе припадая просим Тя: обольщенныя обрати на путь правый настави, малодушныя укрепи, маловерныя просвети, и духом Твоея ревности воспламени, да не погибнем от сетей вражиих. Сего ради к Тебе прибегаем, яко Ты еси Бог наш и разве Тебе иного не вемы.
Припадая стеняще вопием Ти, Боже наш, о исполнении сего прошения нашего. Но обаче не якоже мы хотим, но якоже Ты.
Да будет во веки воля Твоя.
Аминь.


Кому по силам и по ревности о стране нашей Российской, помолитесь, братья и сестры, в единое время: в 12.00 и в 22.00, ежедневно (время московское). Соборное молитвенное стояние - самая крепкая и сильная форма молитвы. Да услышит нас Господь!! Аминь.